وش ورى الصبر

صبرت..ومالقيت..
من الصبر شيٍ يسليني


ياجود (الجرح) في قلبي
وياحزن أيامي وسنيني

بكيت.. وماتت البسمه
على وجه تعس في أسعد اللحظات
على ذاك البعيد اللي رحل
و بخافقي مامات..

رسمت الجرح بإيديني
على رمل البحر والساحل الشرقي
رسمت (الورد) اللي تعلم في غيابي
كيف.. ومتى يجرح..؟؟!!
وبقيت وضاعت الرسمه..
بقيت وراحت سنيني

..

ياأقرب كل أحبابي
ياشاعر ..عيش إحساسي
وعلمني..

ليه الوفا في هالزمن ماله وجود..؟
وليه الحزن في داخلي دايم يجود..؟

بالله قلي..ياسعود..!!

،،

بالله قلي وش ورى الصبــر ياسعـود
شكـــوى جريــح ما لقى له مداوي

عشت الحياة وداخلي حلــم موعــود
أطلب من اللــه يستجيــب الدعـاوي

لكنّ وقتي حطـم أحـلامــي الســود
وجار الزمان وضاع عمـر الشقــاوي

ياسعود حالي من بعدهم كماالعـود
راحــوا.. ولاردوا وقلبـــي خـــلاوي

لا الأرض تاسعني ولاالصبــر موجود
ولا الحــزن تاركني ولاهــوب ناوي

بالله عطني حـــل ياراعـي الجـــود
لانيب ناسيـــهـم ولانيــب قــــــاوي..

قل لهم ياسعود إني
من بعدهم ماقويت..
أعيش وابقى..
دون مااتذكر مكاني
وإبتساماتي وحناني
ولحظة هزت كياني
يوم حنّا افترقنا
وانكتب موت الأماني..
وارتضينا بالنصيب
واعترفنا بِإن هالدنيا قصيره
مابها غير المتاع..و لالنا غير الوداع..
واعترفنا واعترفنا واعترفنا
بإن دنيانا مجرد.. عمر فاني..


..

قل لهم ياسعود إني
من بعدهم كم بكيت..
وكم بقيت..
أيام تايه غارق وسط الظلام..
أمسك أوراقي وأبعثرها ألم..
من بعد ضاع الكلام
وحرّمت عيني المنام
وتهت في وسط الزحام
(جرح ..ذكرى..قلبٍ أشبه بالعدم)
وبعثرت هاك السنين قصة كانت غرام
وأصبحت مثل الحطام..
وفي النهاية ضاع..
ضاع ياخوي الكلام..!!