منتديات to gether for ever
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

to gether for ever



 
الرئيسيةالتسجيلدخول

شاطر | 
 

 قصة ولد مع شغالتهم

اذهب الى الأسفل 
كاتب الموضوعرسالة
لحن الحياة
عضو لامع
عضو لامع
avatar

السعودية
الجنسيه :
انثى
عدد المساهمات : 649
نقاط : 1037
تاريخ التسجيل : 09/05/2011
mms

مُساهمةموضوع: قصة ولد مع شغالتهم    الأحد مايو 15, 2011 10:10 pm

[[font=Arial Black]i]]color=black][
size=24]هذي قصة ولد مع شغالتهم .... يرويها هو بنفسه....


(( في البدايه احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس خباله...

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه وفي روايه اخرى سبيكه على قولة امي

طبعا انا بنقل لكم روايتي مع التصرف اللي يسمعني يقول درس قواعد
اليكم القصه

المهم انا صار لي معها موقف قوي

مرة وانا راقي لغرفتي مروّق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه

المهم حمامي الله يعزكم جوا غرفتي يا سلااااااااااااااااام انواع الوناسه

المهم يوم فسخت ثوبي قعدت قدام المرايه اتميلح نفسي انا اعرفه هالدب كله صفوووط وطبات وشعررر وشوي جسم وشحيم واكلم روحي وانكت شوي وامسك المشط واتخيله مكروفون وانشد يعني قمة الطرب هههه

واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا يععععع كععععع ترجمة بقووس وتلفيع اعرفه ذرووووق على طول بيخنه
وارفسه برجلي قسم بالله مهبلول

وبقية الحركات اللي انا دايم اسويها بشرط ما يكون عندي احد

عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر

عاد وانا ناط وبين السماء والارض حانت مني التفاته<<< الله اخيراً قلت حانت من زمان وانا ودي اقول هالكلمه

المهم يوم حانت مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض <<<< ما يكذب ابـــــــــــــــــــــــد

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس وجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا وش خليت سطل

وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو بليسك وبليس مخك

عاد انا قعدت اتذكر وش كنت اسوي يقطع ابو الفشيله بس اللي مهونها علي قلت اشوى اني ما فسخت كل شي
كان انا اللي بطلب من اهلي يسفروني انا مو هي الله ياخذ بليسك يا كمخ جعلك بحفره واجلس اضحك عليك كذا كيفي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ

انا والشغاله بغرفة نومي والغرفة مقفله وانا كاسي عاري ما علي الا سروال

يعني امي لو هي عمياء بيروح على طول بالها لذاك الشي وتعلن حالة الطوارئ

يعني التهمة لبساني لبساااااني



علشان تعيشون معي الموقف اقوول لا يكثر اخلص علينا
انا ما علي الا سروال والشغاله جنبي واقفه ,,,والباب مقفل وورى الباب امي

وانا اعرف امي ماراح تروح الا اذا فتحت الباب
في هاللحظه .... خطرت في بالي فكرة انما ايه ما تخرش الميه
لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال .....


فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك فلان وين جدتك بسرعه انا اكلم من برا,,, نصااااااااااااااااااااااااااااب كبير

فقام البزر يصوت لامي خااااااااااااااااالي فلاااااااااااااااااااااااااااااان بالتلفووووووووووووون

امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذا بها يوم سمعت امي تقول (وين ودت التلفون هالشغاله) اذ بها بأعلى صوتها تقول باللغه فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الخباله

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ
المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا انووااااع الا ستفهامات الى بكراا

ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا
مدري اضحك والا اصيح والا وش اسوي فيها
من زينك انتي ووجهك اللي كأنه كاس مكسور

لعنبو شيطانك لو تطب علينا الهيئه اخذوا علي تعهد وانتي سجنوك مؤبد

المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه فنيلتي ولقيته على الارض وامد ايدي باخذه.<<<يعني اذا لبست بتنحل القضيه
... في هاللحظه فتحت امي الباب
ولا لقيت تصريفه لوضعي وانا ماد ايدي للارض باخذ الفنيله الا اني لا ارادياً قلت
اللللللللللللللللللللللله اكبررررررررررررررررررررر <<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا بهالملابس

امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت

وقفت امي شوي وانا قاعد اصلي واقول في نفسي اشوى انها ما انتبهت( نجحت الخطه)

المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت اجل تصلي,,,, زين بس ترى القبله غرب وانت تصلي شرق

وطلعت وصكت بالباااااب بقوووووووووووه آآآآآآآآآآاح

يوووووووووووووووووووووووووووووووه انوااااااااع الصدماااااااات ياربيه وش اسوووووووي
واقعد افكر يارب وش اسوي والله اني مظلووووم <<<<<<رحمتوني صح انت ترحم يالله كمل ولا يكثر قرقك
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق خربهااااااااا

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي (الله يستر منه )
يوم جيت صرخت بوجهي لا تكلمني ولا تلمسني ابعدقلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيني صدقتني بس مدري ليه سفرو الشغاله بعد يومين<<<
الى الحين ما فهم انهم سفروها لانهم ما صدقوه خخخخخخخخخخخخخخخخ

بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ[/color]
[/i]
[/font][/size]
الرجوع الى أعلى الصفحة اذهب الى الأسفل
http://r7lty.forumarabia.com/u48
تحدوك البشر
اعضاء 2gether 4 ever
اعضاء  2gether 4 ever


انثى
عدد المساهمات : 5
نقاط : 5
تاريخ التسجيل : 14/06/2011

مُساهمةموضوع: رد: قصة ولد مع شغالتهم    الأربعاء يونيو 15, 2011 7:47 am

هههههههههههههههههههههههه مسكين lol!
الرجوع الى أعلى الصفحة اذهب الى الأسفل
لحن الحياة
عضو لامع
عضو لامع
avatar

السعودية
الجنسيه :
انثى
عدد المساهمات : 649
نقاط : 1037
تاريخ التسجيل : 09/05/2011
mms

مُساهمةموضوع: رد: قصة ولد مع شغالتهم    الأربعاء يونيو 15, 2011 4:43 pm


تسلميـــــــــــــــــــــــــــــــــــــــــــــــــــــــــــــــن ياعسوله عالمرور
الرجوع الى أعلى الصفحة اذهب الى الأسفل
http://r7lty.forumarabia.com/u48
روحـي تـحـبـك
اعضاء 2gether 4 ever
اعضاء  2gether 4 ever
avatar

انثى
عدد المساهمات : 39
نقاط : 60
تاريخ التسجيل : 18/06/2011
المزاج : رآيــقـــه بــ الــحـحـحـحـيـل

مُساهمةموضوع: رد: قصة ولد مع شغالتهم    الإثنين يونيو 20, 2011 12:02 pm



ههههههههههههههههههههههههههههههههههههههههه


قروشتيني وبالاخير تطلع خريبه اقصصد صليحه مال امها داعي بالقصه >> تنكتي انتي وخشتك
ع العموووم يسسسسسسسسسسسسلمو
الرجوع الى أعلى الصفحة اذهب الى الأسفل
لحن الحياة
عضو لامع
عضو لامع
avatar

السعودية
الجنسيه :
انثى
عدد المساهمات : 649
نقاط : 1037
تاريخ التسجيل : 09/05/2011
mms

مُساهمةموضوع: رد: قصة ولد مع شغالتهم    الإثنين يونيو 20, 2011 3:05 pm



ههههههههههههههههههه

ونستيني بمرورك ياعسل تسلمين
الرجوع الى أعلى الصفحة اذهب الى الأسفل
http://r7lty.forumarabia.com/u48
 
قصة ولد مع شغالتهم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات to gether for ever  :: الاقسام الادبيه :: ღღالقصص والرواياتღღ-
انتقل الى: