منتديات to gether for ever
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

to gether for ever



 
الرئيسيةالتسجيلدخول

شاطر | 
 

 يوميات البنت العربجيه والبنت الدلوعه هع لا يطوفكم

اذهب الى الأسفل 
كاتب الموضوعرسالة
روحـي تـحـبـك
اعضاء 2gether 4 ever
اعضاء  2gether 4 ever
avatar

انثى
عدد المساهمات : 39
نقاط : 60
تاريخ التسجيل : 18/06/2011
المزاج : رآيــقـــه بــ الــحـحـحـحـيـل

مُساهمةموضوع: يوميات البنت العربجيه والبنت الدلوعه هع لا يطوفكم   السبت يونيو 18, 2011 11:59 pm


مرحبا
,,,,, يوميات بنت دلوعة وبنت عربجية ,,,,,
نبدأ من الدلوعة ...
طبعاً وهي نايمة الدبدوبي والغزولي والأرنوبي كلهم في حظنها << يقال لها مشاعر فياضة >>
وإذا قامت من النوم ماتقوم الساعة الواحدة ظهراً (( طلقه بالعربي الفصيح )) لا واللي يصحيها كمان الخدامة .... تقومها بالانجليزي .... بس انا راح اترجم الكلام ....
يالله مرام قوم ماما في قول ... قوم عاد
(((يمديكم على الترجمه ))) هي تقول أوكي وتجي أمها وتصحيها مرة ثانية
يامرام حبيبتي اصحي .. ترد مرايم ..
ماما والله بدري الساعة 1 الظهر بدرررررررررررررررري << تدلع هي وخشتها >>[بعد كذا قامت البنت من السرير وفتحت الستارة والشبابيك ...
علشان الغرفة تتنفس ... ياااااااااااااااااااااي ... << أموت في الرقة >>
وشغلت موسيقى رومنسية علشان تروق بنت الحلال ...
وراحت تاخذ حمام محترم (( وانتوا بكرامة )) ...
وبعد ماتطلع من الحمام ورررررررررررر على المراية ...
تحط من هالكريمات والدعافيس على وجهها ...
تعرفون بنوتة لازم تحافظ على البشرة ......
خلصت من المراية وتتجه الآن إلى الاستشوار .. وش ... وش .. وش .. وش
لحووووووووووووووول ساعتين عز الله انها اندمرت هالشوشة ... خلصت منه
دقت البنطلون الجنز والبلوزة ...
ونزلت تحت تفطر على كاس عصير برتقال ... مسوية ريجيييييييييييييييييييييي ييم ...
نجي للعربجية << أموت أنا بالعفاشة >>
تقوم الساعة 8 الصبح وهي ما ودها تقوم ...
وجات أمها تصحيها .. ياسوير قومي يامال البواسير ...لحوووووووووووول زيييييييييييين زييييييييييييين << أهل الحارة يصحون معها >>
بس لو تشوفون شكلها وهي نايمه تقول عنز ماسك معها اسهال ...
كراع هنا وكراع هناك .. لا وكل ثلاث ساعات وهي طايحة من فوق السرير ...[بعد كذا يجي أخوها حميد (( اسمه محمد يدلعونه حميد )) ...
ويقومها من نومها مره ثانية ...
ياااااااسوير تقول أمي قومي .. جعلك الماحى << يكون في علمكم دعوة الأم مستجابة >>
ترد سوير .. اقول اطلع ولا صكيتك على جبهتك اللى كنها مفرق الخفجى هع هع هع ...
ويجي مناحي أخوها الكبير .. سوير وجعععععععع
ويعطيها ذيك الرفسة اللي خلت عظامها تتهلهل >> عاش مشوووووت
وبعد تلك الرفسة العنيفة ...
فزت فزه ما يعلمها إلا الله ...
وقالها مناحي .. قومي صلحي الفطور ...
عشر دقايق الا وهو جاهز زيييييييييييين ...
شوفي ابي قرص وخبز مسح << يعني خبز على الحديدة >>
وقامت بعد جهد جهيد وعلى شتم ولعنت الحي والميت ...
حتى ولد عم جد أبوها ماسلم منها
نرجع للدلوعة
واااااااااااااااااااااااا اااو >> انكسر ظفرها
هذي ما تتغدى الا الساعة 4 أو 5 العصر ...
لا ولا تتغدى الا على رز أبيض مسلوق وسلطة ...
تحافظ على رشاقتها << راعوها عاد >>
العربجية
تتغدى الساعة 1 بالضبط ولا تتغدى الا على كبسة ...
ما تخلص الا وكاس اللبن مراعي متولم عندها تشربه شربه وحده ...
يعني ما في مجال انها تتنفس ...
الناعمة
طلعتها تكون من بعد صلاة المغرب ...
ماتطلع في العصر ياااااااااااي تحافظ على بشرتها ...
العربجية
تطلع الساعة 2.30 القايلة وتدقها كعابي لبيت خوالها ...
ومن حرارة الشمس تنقلب خبز اسمر ...
الناعمة
تروح للفيصلية ولا المملكة .. وقبل ما تروح السوق
تمر على الكوفيره علشان تحط ميك آب ...
العربجية
تروح لسوق النسيم عشان تلقى العرابجة اللي مثلها ...
الناعمة
اذا طلعت تطلع مع يارا ولارا ورولا ومايا << اروووح بالموضة >>
العربجية
تطلع مع بنات خالاتها ومشعى وفصعى هههههه وش ذا الاسم الحلو عمشى وشقحى ومزنه << يعيش التراث >>
الناعمة
اذا شافت واحد حلوووووووووو ...
لابس صح وماركات وحركات .. ومحد قده
قالت يااااااااااي بنات نازرو << يعني ناظرو الله يسلمكم ماغير دلع بنات>>
يارببببببببيييييييييي وااااااااااااااااااااااوعاد البنت أعجبها الشاب اللطيف هذا ...
ودها تحتك وتقوم تمر من عنده وتدفه بكتفها ..
ولا دفته بكتفها قالت اووووووووووه آسفه ماكان قصدي ويرد عليها .. لا عادي على ايش الاسف عيوني ...
وتبتسم ذيك الابتسامة اللي شقت وجهها وتخزه بهالنظرات
وتغمز بهالعيون .. وهو دوره ماتلقاه من الخجل ...
العربجية
لا جات تتزين شخطت هالعيون بهالكحل
اللي يضرب لين اذنها .. وتضرب بهالبرقع
وطلعت هي وبنات خالاتها لسوق النسيم ...
عاد العربجية يمر من عندها واحد .. راكب جيب
فكس آآآآر موديل 2002 وداق شماغه كوبرا
وتقول يابنات تكفووووووووون شوفوا ياويلي ويلااااااااااااااه
وتقوم بنت الحلال وتقززززززززه قز ...
والرجال راح في خرايطها .. وعاد لا شافها تقزه
قال ياغزال ارحم حبيب في حبكم ذاب وانجلط وداخ وراح فى خرايطها هههههههههههه
الناعمة
اذا مر عليها واحد قالت وععععععععععععع الله يقرفك
اللي يشوفها يقول شايفة صرصور الله يعزكم ...
نعم وش تبي يالله هناك بلا قراااااااااافه >> ادعس يالرقيقة
العربجية
اذا مر عليها واحد لابس بلوزه ضيقه .. وجنز ضيق << باين انه منكتم من الضيق >>
وقالها ياحلو اعطيني وجه ...
قالت اقول احسن لك ضف وجهك لا يجيك شي ما يطيب خاطرك
قال ليش العصبيه هذي ...
قالت اقول والله لو ماتضفخشتك لا أتوطى في بطنك اللى كانة ردميه الصمان ...
علم جاك وتعداك .. ترى مابي اغلط عليك
لاني اشوفك مثل أختــــــــــــــي ...
الناعمة
لا جات تضحك هههههههههه . << لاحظوا النقطة أبوك يالترتيب >>
العربجية
اذا ضحكت هع هع هع هع هع هع هع هع ...
الحمد لله والشكر .. تقول بالعه بعير
واذا جات تمزح مع أخوها حميد اعطته كف الحلاقة
كف قوي على رقبته >> على بالها تمون
الناعمة
اذا تحب تسمع أغاني ماتسمع عربي خلقه
ماتسمع الا (( ريكي مارتن )) طبعا لانه حلوووووووووووووو
وممثلها المفضل .. توم كروز اكيد لوسامته
واجمل ممثله عندها .. جوليا روبرتس
العربجية
الاغاني اللي تسمعها ( خلف بن هذال وحجاب بن نحيت وبشير شنان وعيسى الاحسائي )
ياروحي يالفن المغبر اللي تسمعه
الناعمه
لما تتفرج على التلفزيون تجلس على الكنب
وتحط رجل على رجل .. وتبتسم
لأن الابتسامة تضفي بشاشة على الوجه
العربجية
لا جات تناظر التلفزيون تشوف طفش واحد وطفش اثنين
وتجلس على الارض وتحط المركى وراها
والكراعين على التلفزيون .. اذا زهقت من القناة الاولى
دقت التلفزيون باصبع رجلها الكبير وحطت القناة الثانية ...
الناعمة
اذا تبي تحلم احلام اليقظة طلعت للحديقة حقت بيتهم (( خخخخخ فلتهم
وجلست على الكرسي الهزاز وقام الكرسي يروح ويجي >> مندمجة
العربجية
اذا تحلم احلام اليقضة طلعت برا في حوش البيت
وفرشت البساط << أبو خمس طعش ريال
الي مخطط بأحمر وأزرق أكيد عرفتوه ...
وتحط المركا ودلت القهوة وشاهي وصحن مضير ...
هع هع,.,. <<عربجيه
{{{ اتمنى ان الموضوع اعجبكم }}}
ممآراق لي ..
الرجوع الى أعلى الصفحة اذهب الى الأسفل
ما همني وجودكـ
اعضاء 2gether 4 ever
اعضاء  2gether 4 ever
avatar

انثى
عدد المساهمات : 41
نقاط : 51
تاريخ التسجيل : 19/06/2011

مُساهمةموضوع: رد: يوميات البنت العربجيه والبنت الدلوعه هع لا يطوفكم   الثلاثاء يونيو 21, 2011 6:56 am

هههههههههههههههههههههههههههههههههه


اشك انك انتي العربجيه هع

يسسلمووو


تقبلي مروري
الرجوع الى أعلى الصفحة اذهب الى الأسفل
heechul
المدير العام
المدير العام
avatar

السعودية
الجنسيه :
انثى
عدد المساهمات : 1486
نقاط : 3397
تاريخ التسجيل : 10/12/2010
العمر : 24
الموقع : http://r7lty.forumarabia.com/profile?mode=editprofile
المزاج : رايقهـ
mms

مُساهمةموضوع: رد: يوميات البنت العربجيه والبنت الدلوعه هع لا يطوفكم   الأربعاء يونيو 22, 2011 11:21 am

يسلموووووووووووووووووووووووووووا خيتؤؤ
يعطيك العافيه على الطرح القيم







المصدر:{to gether for ever}





لستُ مجبراً أن أُفهم الآخرين من انا فمن يملك مؤهِلات العقل والإحساس


سأكـون أمـامهُ كالكِتاب المفتـوح وعليـهِ أن يُحسِـن الإستيعاب
الرجوع الى أعلى الصفحة اذهب الى الأسفل
http://r7lty.forumarabia.com/profile?mode=editprofile
لحن الحياة
عضو لامع
عضو لامع
avatar

السعودية
الجنسيه :
انثى
عدد المساهمات : 649
نقاط : 1037
تاريخ التسجيل : 09/05/2011
mms

مُساهمةموضوع: رد: يوميات البنت العربجيه والبنت الدلوعه هع لا يطوفكم   الأربعاء يونيو 22, 2011 11:14 pm

انا ماعرفت لنفسي بين العربجيه والدلوعه

عافاك الله خيتو عالموضوع
الرجوع الى أعلى الصفحة اذهب الى الأسفل
http://r7lty.forumarabia.com/u48
بنت رجه بس رزه
اعضاء 2gether 4 ever
اعضاء  2gether 4 ever
avatar

انثى
عدد المساهمات : 29
نقاط : 32
تاريخ التسجيل : 22/06/2011
المزاج : رااايقه ع الاخر هع

مُساهمةموضوع: رد: يوميات البنت العربجيه والبنت الدلوعه هع لا يطوفكم   الخميس يونيو 23, 2011 2:06 pm

ههههههههههههه

لبا العربجيه هههههههههههههه

مشكوووره ع الموضووع
الرجوع الى أعلى الصفحة اذهب الى الأسفل
صمت القهر
المدير العام
المدير العام
avatar

السعودية
الجنسيه :
انثى
عدد المساهمات : 613
نقاط : 1104
تاريخ التسجيل : 09/12/2010
المزاج : تعبانة..!!
mms

مُساهمةموضوع: رد: يوميات البنت العربجيه والبنت الدلوعه هع لا يطوفكم   الجمعة يونيو 24, 2011 3:34 pm

اي والله العرجة شئ

ههههههههههههههههه

تسلمين ع الطرح المميز







المصدر:{to gether for ever}


[ندعوك للتسجيل في المنتدى أو التعريف بنفسك لمعاينة هذا الرابط]

Tumblry
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
يوميات البنت العربجيه والبنت الدلوعه هع لا يطوفكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات to gether for ever  :: عالم اعضائنا :: ღღوسع صدرك هناღღ-
انتقل الى: