ياسعود حزني يكبر ايام وايام = ظلم الدهر واهله بقلبي سويّه
تعبت اشوف الحلم في بحر الأوهام = مافيه فجر افراح وعروق حيه
عن صبري المكتوم صبح الفرج هام = في دفتر الأيام جمر وخطيه
يكفي تعبت من الأماني والأحلام = اطوي دروبي والسعاده عصيّه
عاشر سنه مرت وياقسوة العام = صار الفرح ودموع عيني نديه
هذا رحيلك حطني بين الأيتام = ابكي وانادي والأسى في يديه
لو تجتمع شمر وحرب وبني لام = وبني تميم اهل الوفاء والحميه
ماشالو جروحي وهمي والألام = وهم رجال الجود والمقدريه
اذكر غرامي نوف ماهبت انسام = وماربعت وديان نجد العذيه
وماسال بأوراق الشعر نزف الأقلام = وماجفت الأغصان في جرهديه
وماكان اجا منّاع عن كل منضام = وماسالت بسلمى سيول برديّه
لا جيت في حايل تثاقلت الأقدام = والوجه يرحل هايمٍ للنصيه
ياسعود ليه اقفت وانا جروحي عظام = راحت لغيري والشقاء صار
ليّه
ياسعود طعنة نوف في صدري وسام = عاشر سنه مرت
وهذي العطيه
ياسعود حزني من ثرى نجد للشام = ماكني اللي نمت في ظل فيه
ياسعود ماطاوعت عاذل ولوّام = وصديت مقفي عن هروج البريه
ياسعود طير الحزن فوق السماء حام = بالطايف ابكي والصدى في
ضريه
فْلا يحسبون اني تقبلت الأحكام = واصبحت ساكت دون عفواً وديّه
واللي مشرّع للبشر دين الأسلام = يانوف ما اسلا لو تحل المنيه
ابيك لو حالوا خوالي والأعمام = على كتاب الله وسنة نبيه
وش لي بساره والمها وهند والهام = ونوف مابه بالمخاليق زيّه
سودٍ حظوظي وابيض الحظ ماقام = وصدك تحالف مع حظوظٍ رديه
والجفن يامشكاي هايم ولا نام = يذكر ليالي نوف صبح وعشيّه
يوم أنت يامشكاي شاير ومقدام = وتدري عن الخافي وماصار فيّه
عطني دوى يبري وجع كل الأسقام = وان ماحصل روح لمعنى شقيه
منقووول ...